ನಿರಂತರ

ಏಕೆ ಹೀಗೆ ಆಡುತಿವೆ
ಕನವರಿಸುವ ಕನಸುಗಳು|
ನೆನೆದ ಮನವ ಕಾಡುತಿವೆ
ನೆಪ ಮಾತ್ರಕೆ ನೆನಪುಗಳು||

ಕಡಲ ತಡಿಯ ಮರಳ
ಗೂಡಿನಂತೆ ಕಡೆದ ಕನಸಿವೆ
ತಡಿಗೆ ಬಡಿವ ಅಲೆಗಳು
ಉಸುಕ ಗೂಡ ಹೊಸಕಿವೆ||

ಮಡುವಿನಲ್ಲಿ ನಿಂತ ನೀರು
ನೆನಪ ನೆನಪು ಮಾಡಿವೆ
ಸುತ್ತ ಸಿಡಿವ ಶಿಲೆಗಳು
ನೆನಪ ಕದಡಿ ಅಳಿಸಿವೆ||

ನೀರಲೆಗಳ ಹೊಯ್ದಾಟ
ಮನವ ಕಲಕಿನ ಕಲ್ಲಿನಾಟ
ಯಾರು ಬಲ್ಲರು ಯಾರ ಬಾಳನು
ಇದು ಬರೀ ವಿಧಿಯಾಟ||

ಮಂಜು ಮುಸುಕಿದ ದಾರಿ
ನಡೆಯಲಾಗದು ಮಾರುದೂರ
ಕನಸು ನೆನಪು ಒಟ್ಟು ಕೂಡಿರೆ
ಬದುಕ ಬಯಕೆ ನಿರಂತರ||