Reality

" LIFE " is not decided by destination.....

But it is decided by the way you reached " THERE "

ಗುರಿ!!!

ಅಂಕೋಲ

ಗೊತ್ತಿಲ್ಲದ ಗುರಿ......
ಸುತ್ತಿಲ್ಲದ ದಾರಿ.....
ಹೀಗೇ ಹೊರಟಿದೆ ಜೀವನದ ಸವಾರಿ.....

ಸಂಗಮ

ಆಗಸ - ಸಾಗರಗಳ ಸಂಗಮ
ನಿಜವ ಅರಿತವರಾರು?

ಪ್ರೇಮಪತ್ರ

ಒಲವಿನ ಎಣ್ಣೆ ಹಾಕಿ ಹೃದಯದ ದೀಪ ಹಚ್ಚಿ
ಸಂಜೆಯ ತಂಪುಗಾಳಿಗಾಗಿ ಕಾದಿರುವೆ.....
ಮರಳ ಮೇಲೆ ಪ್ರೇಮಪತ್ರ ಬರೆದು
ಅಲೆಗಳಿಗಾಗಿ ಕಾದಿರುವೆ.....

ವೈಶಾಲ್ಯತೆ

ಗಗನದ ತಾರೆಗಳಂತೆ
ಅಗಣಿತ ನೆನಪುಗಳು......
ಶರಧಿಯ ತಳದ ಮುತ್ತುಗಳಂತೆ
ಅಪರಿಮಿತ ಕನಸುಗಳು......

ಬಾನಲಿ ಹರಡಿದ ತಾರೆಗಳು
ಸಾಗರದಿ ಅಡಗಿದ ಮುತ್ತುಗಳು
ಎಣಿಸಲಾಗದಷ್ಟು ಅಸಂಖ್ಯ......

ಮನದಿ ಆಡುವ ನೆನಪುಗಳು
ಜೊತೆಗೆ ಕೂಡುವ ಕನಸುಗಳು
ಗುಣಿಸಿದಷ್ಟೂ ಅನನ್ಯ.......

ನೆನಪು

ಮುಚ್ಚಿದ ಮನಸಿನಲ್ಲಿ
ಬೆಚ್ಚಗೆ ಕುಳಿತ
ಹೊಚ್ಚಹೊಸ ಕನಸೊ0ದು
ಮಗ್ಗಲು ಬದಲಿಸಿ
ಬಡಿದೆಚ್ಚರಿಸಿದೆ.
ನಿನ್ನ ನೆನಪು ಸ್ವಚ್ಛವಾಗಿದೆ.

ಮನಮಿಡಿತ

ನನ್ನ ಹೃದಯದಲ್ಲಿ
ನಿನ್ನ ಹೆಜ್ಜೆ ಗುರುತು
ಎಂದೂ ಮಾಸದಿರಲಿ,
ಹೃದಯದ ಕದ ಜಡಿದು
ಹೋಗು ಗೆಳತಿ,
ಮತ್ಯಾರೂ ಇತ್ತ
ನುಸುಳದಿರಲಿ..